Keinu batek ezer alda ez
zezakeela zioten. Gauzak diren modukoak direla, ezin daitezkeela
irauli, halakoa dela euren egoera "naturala". Beltzek ezin
zurien alboan jesarri. Gose direnak ezin soberan duenarena dena uki.
Gazteak ezin amestu. Determinazioz eginiko hautu batek ordea aldaketa
ekarriko duen mugimendua piztu dezake. Autobuseko eserlekutik ez
altxatzea erabaki zuen Rosa Parks-ek eta arrazagatiko
bereizkeriarekin bukatuko zuen mugimendua gorpuztu zen atzetik.
Supermerkatuan ostutako janaria behar zutenei banatzea erabaki zuten
SATeko kideek Supermerkatuan ostutako oinarrizko elikagaiak beharra
zutenen artean banatzean sistema kapitalista ankerraren aurpegia
erakutsi ziguten. Gazteak kartzelatzea kostako zitzaiela irmoki esan
eta herri harresiaren lehen harria jarri genuen Donostian. Borrokak
ez duela ezertarako balio esaten digute behin eta berriz geldirik
nahi gaituztenak. Gu zapaltzen jarraitzeko geldirik nahi gaituztenak.
Baina gure borreroek sumiso nahi bagaituzte ez al da mugitzea
zentzuzkoena? Keinu batekin hasten da dena.
2013(e)ko maiatzaren 23(a), osteguna
Keinu bat gazteon erbestearen aurka
Maletak eskuan, ekimena egin du Ernaik Ajuria Enea parean, Gasteizen, gazteon erbestea salatzeko eta gazteentzat enplegu eta lan politika duinak exijitzeko. Zentzu horretan, #keinubat kanpainaren baitan Maiatzaren 30eko greba orokorrarekin bat egiteko deia luzatu dio Ernaik Euskal Herriko gazteriari.